|
濟濟人ｔｅｈ提唱「嘴講台灣話，手寫台灣字。」啥物是「台灣字」﹖用英文字母寫ｅ是羅馬字，用ㄅ，ㄆ，ㄇ，ㄈ，寫ｅ是北京話ｅ注音符號。一般台文ｔｅｈ用ｅ是漢字。「台灣字ｔｉ叨位」﹖職馬濟濟語言學者，專家，台語文工作者大部分ｅ人攏ｔｅｈ提唱台文著愛用漢字ｋａｐ羅馬字做夥來用───就是漢羅合用。猶未有人積極的ｔｅｈ推展「台灣字」ｅ出現。
台文若用漢字是上蓋好ｅ但是漢字ｂｅ當通滿足台ｅ需要。有真濟ｅ台灣話ｂｅｈ用漢字來寫ｃｈｈｏｅ無抵ｅ字，就著用羅馬字來相ｋａｐ鬥腳手，若按呢就不只好勢。嘛久漢字恰羅馬字出世ｔｉ無仝所在，東方恰西方，性質不合，漢字─字四四角角，羅馬字是─字長ＬｏＬｏ，普通著愛用３－４ｅ字母，若卡濟著愛用６－７ｅ（親像喘─ｃｈｈｏａｎ，衝─ｃｈｈｉｏｎｇ）。若是橫寫是猶久會使得，若是ｂｅｈ直寫就有卡逆扼（ｋｅｈ－ｋｏ）〔不適合〕。日本人有夠聰明，創造平假名片假名來用在日文，用甲真好勢。不但做字ｔｅｈ用也會當作注音通用。日文本來攏是用漢字書寫ｅ，到現在日本皇宮內猶久攏用漢字寫（ｎｏｒｉ
ｔｏ），不過是用日語來讀。平甲名本來就是用漢字改ｅ，所以恰漢字用真合。台灣字就無遐呢仔好孔囉。想ｂｅｈ對漢字來ｃｈｈｏｅ古字著ｃｈｈｏｅ甲真艱苦，擱無抵好ｂｅｈ採用，若ｂｅｈ創造新字確實真困難。台灣字著考慮字型愛ｋａｐ漢字仝款，著有聲調ｅ表示，著好寫擱好讀，好看好學。特別著會當通存入去電腦裡。若欲對漢字來改造親像平甲彼款ｅ字無可能。參考羅馬字彼款ｅ標音字，及韓國的Ｈａｎｇｕｒｕ來創造比較卡有可能。台灣字ｅ產生確實真無容易擱欲得著大家ｅ認同擱卡無容易。
在三年外前，一九九零年二月中，台南市東寧教會舉辦一場文化講座，邀請許極燉教授來演講「台灣話流浪記」。本人頭一擺對台灣話發生興趣，對會場買兩本冊轉來看。一本是「台灣話流浪記」，擱一本是「台灣語概論」。對彼時陣開始就想欲創造「台灣字」，就擱去買鄭良偉教授ｅ「台灣福建話的語音結構及標音法」及「演變中的台灣社會語文」。對遮ｅ冊來研究「台灣話」ｅ結構，初次接觸著「聲母」「韻母」「聲調」等。在當時抵好也在ｔｅｈ學韓國話，對韓國話ｅ字母，羅馬字ｅ拼音法來思考「台灣字」ｅ結構。代先用諺文做原母音，用英文字母做聲母、韻尾來組立「台灣字」送去請教許極燉教授。結果駁回講「英文字母ｋａｐ諺文合用無合（ｈａｈ），擱字體無好看，猶久是用漢羅卡好勢。」因為按呢，就完全脫離英文字母，全部用諺文來做「聲母」、「原母音」、「韻尾」、「鼻音」等。「聲調」用亞拉伯數字來標記。完成後將遮ｅ連同音節表寄互鄭良偉教授得著認同講「所接著ｅ台字方案，羅馬字ｅ有五十外套，非羅馬字ｅ有十外套。你ｅ是屬ｔｉ非羅馬ｅ，是所接著中間上有系統ｅ一套。」
經過職幾冬ｅ試用及改進，家己認為會相當通用囉。因為本人對語言學是外行ｅ，所以這套「台灣字」是ｍ是會當通用，請各位先進多多指教。
候教處：shionkhe@taioanji.com
|
